ਭਾਰਤੀ ਆਰਥਿਕਤਾ ਦਾ ਗੰਭੀਰ ਸੰਕਟ (India's GDP crashes to -23.9% for Q1)

- ਬੀਤੇ ਸੋਮਵਾਰ National Statistical Office (NSO) ਦੀ ਇੱਕ ਅਧਿਕਾਰਤ ਰਿਪੋਰਟ ਆਈ ਹੈ, ਜਿਸਦੇ ਮੁਤਾਬਿਕ "ਭਾਰਤੀ ਜੀ.ਡੀ.ਪੀ. ਸਾਲ 2019-20  ਦੇ ਪਹਿਲੇ ਤਿਮਾਹੀ ਵਿਚ 35.35 ਲੱਖ ਕਰੋੜ ਰੁਪਏ ਤੋਂ ਸੁੰਗੜ ਕੇ 26.90 ਲੱਖ ਕਰੋੜ ਰੁਪਏ 'ਤੇ ਆ ਗਈ ਹੈ, ਜੋ ਕਿ ਸਾਲ 2020-21 ਦੀ ਪਹਿਲੀ ਤਿਮਾਹੀ ਵਿਚ 23.9 ਫੀਸਦ ਤੱਕ ਸੁੰਗੜ ਗਈ ਹੈ।

- ਮਾਰਕੀਟ ਰਿਪੋਰਟਾਂ ਅਨੁਸਾਰ, ਕੋਰ ਸੈਕਟਰਾਂ ਦੀ ਵਾਧਾ ਦਰ  (ਉਸਾਰੀ 'ਚ 50.3%, ਉਦਯੋਗ -38.1%, ਸੇਵਾਵਾਂ -20.6%, ਨਿਰਮਾਣ -39.3%, ਟਰੇਡ ਅਤੇ ਹੋਟਲ -47) ਹੈ। ਖੇਤੀਬਾੜੀ ਸਿਰਫ ਇਕੋ ਖੇਤਰ ਰਿਹਾ ਹੈ ਜਿਸਦੀ ਵਿਕਾਸ ਦਰ ਵਿਚ 3.4% ਦੀ ਵਾਧਾ ਦਰ ਨੂੰ ਵਿਖਾਉਂਦੀ ਹੈ। CRISIL ਨੇ ਪਹਿਲਾਂ ਹੀ ਭਵਿੱਖਬਾਣੀ ਕੀਤੀ ਸੀ ਕਿ ਆਜ਼ਾਦੀ ਤੋਂ ਬਾਅਦ ਭਾਰਤ ਦੀ ਚੌਥੀ ਮੰਦੀ, ਉਦਾਰੀਕਰਨ ਤੋਂ ਬਾਅਦ ਪਹਿਲੀ ਅਤੇ ਸ਼ਾਇਦ ਹੁਣ ਤੱਕ ਦੀ ਸਭ ਤੋਂ ਭੈੜੀ ਮੰਦੀ ਹੈ।

ਇਹ ਭਾਰਤੀ ਆਰਥਿਕਤਾ ਦੇ ਇਤਿਹਾਸ ਵਿੱਚ ਵੱਡੀ ਗਿਰਾਵਟ ਹੈ। ਦੂਜੀਆਂ ਸੰਸਾਰ ਆਰਥਿਕਤਾਵਾਂ ਦੇ ਮੁਕਾਬਲੇ ਭਾਰਤੀ ਆਰਥਿਕਤਾ ਵਿਚ ਇਹ ਸਭ ਤੋਂ ਤੇਜ਼ ਗਿਰਾਵਟ ਹੈ। ਇਸ ਨਾਲ ਪਹਿਲਾਂ ਹੀ ਮਹਿੰਗਾਈ, ਬੇਰੁਜਗਾਰੀ ਅਤੇ ਅਮੀਰੀ-ਗਰੀਬੀ ਦੇ ਵੱਧਦੇ ਪਾੜੇ ਵਿਚ ਗੁਜ਼ਰ-ਬਸਰ ਕਰ ਰਹੀ ਭਾਰਤੀ ਲੋਕਾਈ ਦੀ ਹਾਲਤ ਹੋਰ ਵੱਧ ਬਦਤਰ ਹੋਣ ਦੇ ਸੰਕੇਤ ਹਨ। ਅਜਿਹੇ 'ਚ ਮੋਦੀ ਸਰਕਾਰ ਥਾਲੀਆਂ-ਚਮਚੇ ਖੜਕਾਉਣ ਵਿੱਚ ਮਸ਼ਰੂਫ ਹੈ ਅਤੇ ਭਾਰਤੀ ਮੀਡੀਆ ਉਸਦੇ ਗੁਣਗਾਣ ਕਰਨ ਵਿੱਚ।