ਜੀਣਾ ਹੈ ਜਾਂ ਮਰਨਾ ?
Nâzım Hikmet
ਨਹੀਂ ਮਿਟੇਗੀ ਉਹਨਾਂ ਦੀ ਹਵਸੀ ਭੁੱਖ
ਦੁਨੀਆਂ ਭਰ ਦੇ ਦੌਲਤ-ਖਜਾਨਿਆਂ ਦੇ ਬਾਵਜੂਦ
ਉਹ ਚਾਹੁੰਦੇ ਹਨ ਉਸਾਰਨਾ
ਦੌਲਤ ਦੇ ਮਿਨਾਰ
ਉਹਨਾਂ ਲਈ ਦੌਲਤ ਦੇ ਅੰਬਾਰ ਲਗਾਉਣ ਲਈ
ਤੁਹਾਨੂੰ ਮਾਰਨਾ ਪਵੇਗਾ ਹੋਰਾਂ ਨੂੰ,
ਤੇ ਖੁਦ ਨੂੰ ਵੀ
ਮਰਨਾ ਪਵੇਗਾ ਪਲ-ਪਲ
ਉਹਨਾਂ ਦੇ ਝਾਂਸੇ ਵਿੱਚ ਆਉਣਾ ਹੈ ?
ਜਾਂ ਨਹੀਂ ?
ਦੋ ਹੀ ਹਨ ਰਾਹ
ਝਾਂਸੇ ਵਿਚ ਨਹੀਂ ਆਓਗੇ ਤਾਂ
ਜੀਓਗੇ ਤਾਉਮਰ
ਜੇਕਰ ਆ ਗਏ ਤਾਂ
ਮਰਨਾ ਹੈ ਹਰ ਹਾਲ
- ਨਾਜ਼ਿਮ ਹਿਕਮਤ
- ਅਨੁਵਾਦ-ਮਨਦੀਪ
No comments:
Post a Comment